Larg një Vjeshtë mbete ti,
që pas xhamit pikë-qarë,
heshtja squllur nëpër shi,
ngutja, lotin…fton në garë…
Syu mpiksur në një pikë,
vetulla ngritur…si lugate,
malli gjoksit copë e çikë,
ikja rendur…pas një nate…
Buzë-mekur…ballin fikur,
mjekër-hequr…pikëlluar,
pritja dejesh kryengritur,
brenga faqesh…kalëruar…
Larg një Vjeshtë mbete ti,
leshrat fjetur mbi parvaz,
heshtja squllur nëpër shi,
dhimbja ngjyer me maraz…