Trishtimit i qepa kostum lumturie.
Mbi supe i derdha si fije floku,
vitet e muzgëta të diellit,
mbi oqeanin dallgëtrazuar të ndjenjave.
Vështrimit i derdha ndriçimin e agut,
me pikla lotësh të shiut vjeshtuk;
për buzëqeshje i vodha pranverës
aromën e shpërthimit të tulipaneve,
e me to prashita filiza mirësie,
në këtë botë kaq të vogël sa një grusht,
po kaq të madhe sa një histori pa fund.