Besim Arifi-N’KUJTIM

Unë të pashë nga larg,
Dhe në çast thirra emrin tënd.
Me shikim të përcolla
Derisa zure vend.
Dielli ta merrte shikimin,
Se ishte në perëndim,
E s’më shihje dot.
U takuam krejt në fund,
Në atë muzg të flladitshëm,
Ku lexuam poezi
Dhe bëmë një foto kujtimi.
Unë duhej të ikja nga lindja
E ti nga perëndimi.
Në muzgun e flladitshëm,
Pas leximit të poezisë,
U ndamë si dy vargje
Që mbeten në kujtesë.
Ikëm për t’u kthyer n’shikim
Në muzgun tjetër,
Pas vargut të shkruar…
…n’kujtim.