Qielli varrezë kozmike
mbushur me gurë varresh mëkatarësh.
Ferrtarët ngrehin çuditë
duke vrarë dëshmitarët.
Një fërshëllimë shigjete
dhe një i vdekur më tepër.
meteorët ngjyrë gjaku
shohin mediokritetet
tek shpallen kryevepër.
Nga terri i qiejve
djajtë hanë njëri tjetrin
me dhëmbë ujkorë
ndërkohë gjyqtarët ngërdheshen paturpësisht.
Nesër
nuk ka si të mos ketë Apokalips.