Si sumbullza sheqeri,
pikëlat e argjendta të vesës,
bardhësinë e borës,
prej majave të maleve,
me pudrosje kanë marrë.
Brishtësi kthjelltësie
ngjyrash ylberi, me reflekse
pasqyrash shndritur,
agut të ditës së re,
joshëse vezullojnë.
Delikatesë xixëlluese,
aureolë madhështie,
dhuratë bujarie e natyrës,
terapi ngrohtësie,
kordave zanore
të korit të bilbilave
në performancën e mëngjesit.
Freski zgjimi me sinjale
shprese plot bekime,
për ditë më të bukur,
vesa e mëngjesit përhap.