Unë vij nga Iliria,
Teutë jam në gjak,
Të shenjtë e kam besën,
Hakun e kam flakë.
Vij dhe nga legjenda,
Rozafë emrin e kam,
Ku Bunën e Drinin,
E thërras vatan.
Jam Argjiro shqiponja,
Me foshnjën në krahë,
Shpirtin për Atdhe,
Trupin në kala.
Unë jam Marigoja,
Që qëndis flamurë,
Atë që dushmani,
Se uli dot kurrë.
Ma dëgjoni këngën,
Lindur në Drenicë,
Jam shqiponjë mali
M’thonë Shote Galic.
Unë I ngjaj të urtës,
Shenjtores nënë Tereza,
Që do të kujtohet,
O breza mbi breza.
Une jam trimëresha,
Bjeshkeve te malit,
Per tokën time,
Ta marr n’lule t’ballit
Bijat shqiptare,
Rriti nëna trime,
Tundur djepit t’pushkës,
Oh me ligjerime.