Marigona Kelmendi-Ç’fat

Janë ditët në fluturim
Me ajrin që djeg që ngrin
Që të ndal frymën
Që sjell botën
Afrohem me hap ulkonje
Territ të ditës
Të gjej dritën
Ta gjej…
Jo nuk e them dot
Je Ti është Ai
Jeni Ju
Ç’fat
Të mos mbyll sytë
Pse nuk flisni
Vetëm shikoni sytë e mi
Keni frikë
Nga kush
Nga unë
Askend lĕnduar s’e kam
As ty njeriu im
Jeta ime
Ëndrra ime
Më duhet një titull
Të ndal hovin e zemrës
Që shpërthen me gulçe
Se je krejt imi
Ti
O trimi im
Ta dish
Dua ta ndal natën
Të mos vijë mëngjesi
Jam diell për ty
Jam vetë jeta
Ç’fat për mua
Për ty