Në më kërkon si muzën , poeti
Jam aty ,ku ti nuk e di
Sa herë mbi shkëmb përplaset deti
Unë vij e bëhem për ty ,poezi
Në m’kërkon gjurmët nga shkova e erdha
Hijen time ,unë, pas e lashë
Mbi letër të bardhë ku lotin derdha
N’kujtimet e mija sa herë e pashë
Dhe shpirtin tim ,në do ta dish
Lexoje vargun që unë kam shkruar
Aty do ta gjesh mes poezish
Si ujë burimi që vjen kulluar
Sa herë marr penën e nis të shkruaj
Vargun tim me dashuri e vesh
Ditë e natë me shkronjat luaj
Herë me to qaj , e herë me to qesh
Në do të dish ku fle dashuria
Ti do ta gjesh në timin varg
E do ta thotë vetë poezia
Se hija e saj më ndjek në çdo hap