Blerina Behari-PIKAT E SHIUT

Eh, shi i bekuar,
sa bukur që bie !
Grimcash mbuluar,
mendime në hije;
ndonjëherë pika e shiut
del nga turma e hazdisur.
Leshrat lëshuar,
ecën për ku është nisur.
Rrugën i pengojnë
pikëzat e tjera.
Eja, shoqja jonë,
na degdisi era !
Po ku shkuan, vallë ?
Pse vetëm më lanë ?
mërmëriti pika
duke qarë ngadalë.
Oh, sa u mërzita
që sa shumë i besova !
Më kot shpresova,
veten e trishtova.