Mos u mundo dorën
të ma lëshosh,
përpiqu kështu siç jam,
të më pranosh…
Do të jem me ty përjetë,
me hallet e tua gjithmonë,
do të më kesh.
Çdo ditë ta vërtetoj,
se do të jem me ty në çdo kohë.
Nga kjo botë, kur të largohem,
fjalët e mia do të kujtohen.
Buzëqeshje çdo çast
të më dhurosh,
sytë mos m’i mbush me lot.
Do të zë rrënjë thellë,
aty në shpirtin tënd.
Të kam thënë se të dua
dhe asgjë nga ty larg
nuk më mban.
Sikur detet të bashkohen,
me ty dua të jem pranë.
Tjetër njeri s’do të afrohesh,
besim askujt s’do t’i kesh.
Në jetë,
në heshtje me veten,
do të flasësh:
“Ajo më paska dashur vërtet!”