Ti më bëre të të dua pak nga pak
Dhe në shpirtin tim rizgjove ndjenjën.
Që e kisha kyçur brënda vetes,
Se nuk doja më të vrisja zemrën.
Më tregove se dashnia s’është veç fjalë
Një premtim i bërë ashtu në erë.
Dhe besova edhe thënien e stërlashtë,
Që pas dimrit vjen sërish pranverë.
Më mësove të të dua me pasion
Më riktheve dëshirën e vjetër.
Nëse sot më thua ik nga unë,
S’do ta bëj, se të dua tepër.