Besim Arifi-HIJET E LIDHURA

Dikush i lidhi hijet
Dhe nën strehë ndërtoi folenë.
Gjethet e lisave i bëri shtrat,
Me degët e tyre ndërtoi hartën e orientimit.
Mandej shkeli fushat,
Lumenjtë i kaloi,
Duke kërkuar koordinatat
Për vendin ku lidheshin hijet.
Por nuk arriti kurrë
As t’i shihte hijet e lidhura
Mes diellit dhe erës,
Që bënin sehir
Në strehën e çerpikëve të lodhur,
Në mjegullën e dendur
Para syve.