Ikëm…
Të tjerë pas do të vijnë
Do të kenë ëndrrat e tyre
Fole në tokë
Fole në qiell
Do të jenë të etur për yje
Ne ishim të etur për diell
Do të ikin stinët
Rrotacion kohor
Zemra e etur do të mbetet përsëri
Do të shkruhet, a do të këndohet?
Këtë kush nuk e di
A do të humbasë kuptimin fjala “lumturi”?
Buzëqeshja do të dëgjohet
Siç rendin fëmijët rrugëve në fundjavë
Kush do t’u rrëfejë tregime a përrallë?
Nuk e di… ne ikëm
Por gëzimi
Do të kthehet përsëri
Aty ku na mbeti
Ku e lamë unë e ti
Nuk jemi të humbur
Tokën e kemi dëshmi
Sa herë çel një syth i ri