Stuhi e egërsuar politike ka ra mbi atdhe,
Krijon vorbulla në shoqëri, e situatë të re.
Rrëmuja e tronditë të riun dhe më plakun,
Përbaltë sakrificat, vlerat, luftën e gjakun.
Mendësi hipokrite, e rritur në mes nesh,
Nxori kokën si gjarpër dhe doli në shesh.
Veshur me pushtet, seç shan e poshtëron,
Bazën e lirisë së shtetit, më afsh e rrënon.
Veprimet e tilla nuk janë veç çmenduri,
Janë detyra armiqësore, që ngjallin ironi.
Sa dhe urrejtjen e rrisin në çdo çast e orë,
Bumerang do t’u bie, si godet një meteor.
Nuk tolerohet, e as nuk falet skizofrenia,
Kur thirrin për vrasje, del hapur barbaria.
Nga agjentë, që kanë mision antishqiptar,
E duan t’heshtur a vdekur secilin luftëtar.