Ndjenjat e mia
janë një lëmsh i vërtetë…
një fije malli,
një nyjë dashurie,
një kujtim që s’di
ku ta vendos kokën.
I mbledh,
i zgjidh,
i mbledh përsëri…
dhe prapë
mbetem te ti.
Ka ditë
kur zemra ime
është një kuturu
pa fillim,
pa fund,
pa emër.
Vetëm ti
di kuptimin e saj.
Ndoshta dashuria
nuk është gjithmonë
një rrugë e drejtë
.
Ndonjëherë
është ky lëmsh i bukur
ku humbesh
dhe, çuditërisht,
nuk do
që ta gjesh rrugëdaljen…