Deti e nxorri zemërimin mes valëve
Dhe me zemërim u perplas në breg
Peshkatarët mërmerisnin mes fjalëve
Teksa nuk ishin te qetë
S’di kush me erën bëri gara me shumë!
Deti Adriatik, a Joni që u deh
Inatit të peshkatarëve iu bashkova dhe unë
Ata që s’peshkuan dhe mua dielli m’u fsheh
Më pëlqen deti dhe qielli blu
Atëherë të qeta më dalin dhe fjalët
S’di pse sot ndodh e kundërta këtu!
S’puthem dot me valët!