Marigona Kelmendi-Ëndërr që tremb

Kujdes kur nisesh
Po ashtu dhe fjalën
Të dish të duhurën
Thënë të pathënën
U zbraz hija e natës
U tremba nga lajmi
Vrapova ta gjej fytyrën
Pa dashur të harroj
Medaljen e dhuruar
Thirra ta kujtojnë
Ta thonë të vërtetën
Timin tëndin mall
A thua ishte bërë vonë
Duke u endur botës
Kureshtare deri në dehje
Këmbëzbathur errësirës
Frika ikur tashmë
Rruga plot dritë
Dhe ja
Erdhi e vërteta
Ëndrra nuk më tremb më