Ish-fituesi i Big Brother Albania 5, Arbër Zeka dhe gazetar i RTK-së ¨është gjetur i dehur në një motel në Çagllavicë pasi në Polici nga familjarët ishte raportuar si i zhdukur.
Lajmi është bërë i ditur nga burime të gazetës online Reporteri.net brenda autoriteteve të sigurisë.
I vëllai e kishte lajmëruar Policinë e Kosovës sot rreth orës 17:00, se Arbëri ishte zhdukur që nga mbrëmja e së mërkurës, rreth orës 21:30 dhe nuk ishte lajmëruar në telefon.
Pas kësaj, Policia ka angazhuar hetuesit rajonalë dhe ata të krimeve të rënda, të cilët siç mëson gazeta online Reporteri.net e kanë gjetur para pak minutash në një motel në gjendje të dehur.