Rubjana Nika-Rikthim

U kthye sërish Odiseu në Atdhe,
siç rishtas është kthyer
shumë herë ndër vite,
njëherë me pamjen
e të bekuarit Bekim,
e kush tjetër për shtat
më shumë i rrinte?!
U kthye sërish mendjendrituri
Odise,
në tokën ku legjenda e blatoi,
ku mori forcë e zgjuarsi,
u kthye me zërat magjikë,
që mijëra vite mbijetuan,
u kthye me epiken Polifoni.
U kthye sërish i penduari Odise,
me tjetër pamje,
nga një shtet tjetër,
por pjesën shqiptare
e mbarti ndër kohëra,
të tillë ishin pellazgët,ilirët,
të denjë për mendje,
për luftra,për mbretër.
U kthye sërish në Atdhe
Odiseu,
bashkë me Penelopën ,
natyrisht,
besnikëria e saj e pashembullt,
mahnit ndër kohëra mrekullisht.