U poq gruri lumë e lumë
për të derdhëm djersë shumë.
Xixëllonjat sot lajmërojnë
Se në ara duhet t’shkojmë.
Sot kombajnat gumëzhijnë
grurin në ara po e fshijnë.
Fytyrëqeshur bujku qëndron
rendimenti fort e gëzon.
Plot me grurë hambarët tona
bukë e grurit është jona.
Gruri u rrit në këto ara
fort me gëzim është hedhur fara.
Të gëzojmë, të këndojmë
bukën e re n’sofër ta shtrojmë.