Mbi flokët e tua
Ç’bën kjo dritë e rrall’
Sa doja të luaja!
T’i puthja me mall.
Të t’i prek dua,
A ti prek dot vallë?
Të arta si dielli,
Për to ndjeva mall.
Thonë janë të mëndafshtë
Thonë se janë të rrallë,
Të t’i prek dua,
A t’i prek dot vallë!
Ah t’i ledhatoj,
Njëherë t’u marr erë,
Ato kaçurrela,
me aromë përzjerë!
Ato kaçurrela,
me aromë përzjerë,
Mbi gushë e mbi faqe,
Të t’i prek njëherë!
Aromë luleshtrydhe,
Aromë lule mali,
Ato kaçurrela që Zoti t’i fali.
Ato kaçurrela që Zoti t’i fali,
Përmbi sytë e tua,
Me dritë kristali.
Kur t’i shoh mbi sy
Kur qesh e kur qan,
Më çmende dhe mua,
Çmende gjithë dynjanë!