Jam këtu, sepse malli po më djeg,
Erdha sepse kam një mall të pashtjerrë, më djeg, më përvëlon,
këtu në zemër, ku gjaku më vlon në tërë trupin,
Si llava në vullkan.
Tërpezë, vendlindja ime e shtrenjtë!
Ngado që jam, ngado që shkoj,
Nuk ka si ty një vend të dytë.
Je ma i bukuri vend që unë njoh.
Unë jam shqipja që vij nga larg,
Vetëm këtu më shërohet trupi,
Tretur larg në mërgim,
Te ti e njoh vetvetën.
Koha fëmijëtore sa shpejt na ka ikur,
Dua të shëtisë në çdo pëllëmbë toke,
Momente të bukura ende më flenë në shpirt,
Të ndjej flladin e malit të lartë,
Të më sherohet shpirti.