T’kam ardh në ëndërrat e mija përlotur nga malli,
Kam parë se si qesh sa herë që kam dashur,
Ti ke qënë foleja për zemrën e këtij djali,
M’i ke dhënë zjarr shpirtit tim të mardhur.
T’kam parë se si me puth, që të merrja frymë,
Sytë shkëndijë I mbyllje si perla e fshehur,
Ti më ktheheshe e teta mbrekulli,
Si lule agimi pranverës së dehur.
Të kam parë në ëndërr shndrije si kristali,
Pasqyrës ku buzët e mishta I lyeje qershi,
T’kam ndjerë drithërimën si një gjethe mali,
Dhe dije kam qeshur sikur një fëmijë.
Erdha dhe natën, kur qielli kishte ngjyrë,
Ta vodha një puthje, si një pirat në dete,
Ti si perëndeshë ëndrrës kishe hyrë,
Dhe doje që puthjen ta merrja me vete.
Të vi në ëndrrën time që me ty të ç’mallem,
Kam frikë se ndonjëherë mund mos të të shoh,
Por dije në s’të gjej do më kesh harruar,
Atëherë as veten më s’do mund ta njoh.
Arjana Fetahu Gaba-Të vi në ëndrrën time
- Advertisment -