Ah, Evropë, Evropë!
Si s’të vjen keq?
Në truallin tënd
E timin antik,
Sa afër na ke,
E sa larg na mban!
Shekujt kaluan,
Por pritja jonë vazhdon.
Bota po na vështron,
Në prag të integrimeve,
Ndërsa ne,
Të përçarë e të lodhur,
Shpesh izolohemi vetë.
Pse kaq shumë dredhi,
Kaq shumë pengesa,
Për një popull
Që e ka zgjedhur Evropën
Si identitet,
Si ideal
Dhe si të ardhme?
Atdheu pret,
Rinia shpreson,
Por imazhi ynë
Po njolloset
Nga gabimet tona,
Ndërsa orientimi ynë
Evropian
Nuk duhet të zbehet kurrë.
Evropa nuk është vetëm një destinacion.
Ajo është pjesë e historisë,
E kulturës
Dhe e aspiratës sonë.
Prandaj,
Le të flasim me vepra,
Jo me fjalë.
Le ta ndërtojmë shtetin
Me drejtësi,
Me dinjitet
Dhe me përgjegjësi,
Që dera e Evropës
Të hapet përfundimisht
Për atdheun tonë
DARDANI .