Si ai ushtari që pret lirinë,
Edhe unë pres kthimin tënd me mall.
Ditët i numëroj siç numëron dashuria,
Çdo lule që çel — një hap më pranë.
Sot trëndafili çeli në heshtje,
Nesër një shebojë do të lindë.
“Do të vijë nga larg”, më pëshpëriti
Një dallëndyshe në prag të prillit.
Pranvera tokën me ngjyra e veshi,
E prapë e largët më duket ardhja jote.
Trembem se toka s’do t’i mbajë lulet,
Prandaj dhe qiejt do të lulëzojnë për ne.