Policia e Kosovës ka njoftuar për dy raste të deponimit të parave të falsifikuara.
Të dy rastet janë raportuar nga zyrtarët e bankës, ku monedhat janë sekuestruar për ekzaminim të mëtutjeshëm nga Policia.
Njëri nga rastet ka ndodhur në një bankë në Lipjan, kurse rasti tjetër në një bankë të Prishtinës, ku vlera e parave ishte mbi 3000 euro.
Lidhur me rastet janë njoftuar edhe prokurorët përkatës.
Në njoftimin e Policisë thuhet:
Lipjan 22.01.2024-15:00. Ankuesja femër kosovare-zyrtare e bankës (me 23.01.2024) ka raportuar se i dyshuari mashkull kosovar ka deponuar në bankë 343 monedha metalike, të cilat dyshohet të jenë të falsifikuara. Monedhat janë sekuestruar nga njësitet policore për ekzaminime të mëtutjeshme, ndërsa lidhur me rastin është informuar edhe prokurori.
Rr. Bill Klinton, Prishtinë 20.12.2024-09:00. Ankuesi mashkull kosovar-zyrtar i bankës (me 23.01.2024) ka raportuar se i dyshuari mashkull kosovar ka deponuar në bankë 2660 euro, të cilat dyshohet të jenë të falsifikuara. Monedhat janë sekuestruar nga njësitet policore për ekzaminime të mëtutjeshme, ndërsa lidhur me rastin është informuar edhe prokurori.