hana edhe dielli jem,
adhurimi i andrrave,
zgjim i hershëm
mendim i kristaltë.
Bota asht mbushë me ngjyra tjera,
zogjtë fluturojnë të lirë para syve të mi
që andshëm vrojtojnë
perëndimet e agimet
e këtij qielli pafund.
Një mrekulli ndodhë
çdo muzg,
një kuqli e brishtë shtrihet në re të buta
e përshndetja jote
vjen e amël e lehtë
si krahët e një zogu
që shtrihen fuqishëm mbi botë.
Drita jeme,
në terrinën e jetës
mësova se drita asht mrenda nesh,
bashkë me kujtimet,
dorëshkrimet e një jete ma parë.
Asgja nuk heshtë
as një flutur që sillet rreth,
asgja nuk vdes, jeta jeme,
as dashnia që nuk themi
e fort ndjejmë.
Asht një ditë tjetër
e krejt ngjyrat e saj kemi në zemër
veç pret prej syve tanë
të ngjallet një tjetër jetë.
Hana edhe dielli jem,
o melodi hyjnore,
o andërr e dlirtë,
të gjitha lutjet e zemrës seme
qofshin përherë me ty
Amen!