Do të jetë gati shtegu yt
Stoli e hija jote e shelgut
Një copë diell, dy sy hëne
E, ato copëza rëre bregut
Ti mos u trazo, vazhdo
Fshij avujt e pikëllimtë para teje
Shikimin kurrënjëherë mos hedh
mes ngjyrës gri të një reje
Do të zbret si zog ajo ditë e agimtë
ndofta mes fjolla bore shtruar
Hapit tënd shteg i qilimtë
si rreze hëne praruar
Do të jetë gati shtegu yt
dritë e pranverës në sy
Nuk zë dot hapi yt i nxitimtë
ditën që s’është për ty