Agjenti i sulmuesit të Atletico Madrid, Julian Alvarez, ka hedhur poshtë kategorikisht raportimet për fillimi i negociatave me Barcelonën.
Emri i Alvarez është lidhur së fundmi me një transferim të mundshëm te Barcelona, ndërsa presidenti Joan Laporta dhe drejtori sportiv Deco kanë shprehur publikisht admirimin e tyre për sulmuesin argjentinas.
Megjithatë, spekulimet u intensifikuan këtë javë, pasi u raportua se dy vëllezërit e lojtarit kishin udhëtuar drejt Barcelonës për të parë prona të mundshme.
Këto pretendime janë mohuar prerazi nga agjenti i lojtarit, Fernando Hidalgo, i cili në një deklaratë për “Mundo Deportivo theksoi: “1000 për qind e pavërtetë.”
“Askush nga familja nuk ka qenë në Barcelonë. Hera e fundit ka qenë për ndeshjen kundër Atleticos dhe janë kthyer në Madrid ditën tjetër”, tha ai.
Alvarez mbetet një nga emrat më të vlerësuar në tregun e transferimeve, por për momentin nuk ka asnjë lëvizje konkrete drejt një kalimi te Barcelona.
Kontrata e tij me Atletico Madrid është e vlefshme deri në vitin 2030.