Mbrojtësi i Kombëarës së Kosovës, Amir Rrahmani, ka rinovuar kontratën me SSC Napoli deri në vitin 2029, duke i dhënë fund spekulimeve për të ardhmen e tij.
Sipas gazetarit Nicolo Schira, marrëveshja është finalizuar, ndërsa me kontratën e re lojtari do të përfitojë rreth 3.8 milionë euro në sezon, më shumë se 2.5 milionë që merrte më pare.
Pavarësisht interesimit nga Fenerbahçe dhe klube nga Lindja e Mesme, 30-vjeçari ka vendosur të qëndrojë te Napoli, ku prej vitit 2020 është një nga shtyllat kryesore të mbrojtjes.
Rinovimi konfirmon besimin e klubit ndaj paraqitjeve të tij dhe rolin e rëndësishëm në skuadër.