- Njeriu duhet të ketë besim në vetvete, çdo e mirë apo e keqe, vjen nga mendimet dhe veprimet tona.
- Nëse nuk kemi guxim mund të humbasim gjëra të rëndësishme në jetë, mundet të na jepet vetëm njëherë mundësia.
- Çdo njeri duhet të vetë analizojë çështjet, në dialog të brendshëm, për të përballuar çdo situatë jetësore, të mirë apo të keqe.
- Nuk duhet të ecim me turmën, por me logjikën, me arsyen; për të mirën e familjes dhe të shoqërisë.
- I lumtur nuk mund të quhet ai/ajo;
që ka një familje të lumtur, por kur atë e përcjellë dhe në shoqëri. - Njeriu i thjeshtë, i etur për dituri,
nuk kënaqet kurrë me vetveten, por e ulë kokën; lexon deri në fund të jetës. - S’është e lehtë të gjesh një mik/e të vërtetë, po e gjete respektoje, trego mirësi, mos u trego i pabesë, përndryshe ke turpëruar veten.
- Në moshën e tretë zakonisht e kuptojmë që e kemi lënë veten pas dore, fillojmë e bëjmë gjërat që na kanë munguar.
- Nuk duhet të luftojmë për tituj shkencor, “me kurse mujore”, por, për t’u bërë të ditur.
- Gabimet që ne kemi bërë, duhet t’i evitojmë, jo t’i përsërisim, koha s’pret,
nëse nuk veprojmë, mesiguri do të kemi prapakthime. - Njeriu nuk duhet të shqetësohet nga varfëria, apo (për pasuri) përrallore, por nga padituria, sjelljet, pa këto vlera, është gjithë jetën i varfër.
- Urrejtjen dhe egoizmin duhet ta kthejmë në dashuri ndaj njeri-tjetrit, në urrejtje për armiqtë dhe tradhtarët e atdheut.
- Jeta është e padrejtë, me vuajtje, sakrifica, por ka edhe gëzime; në radhë të parë duhet ta kuptojmë, ndryshe si mund ta jetojmë?!
- I mençur është ai, që di të përmbahet e të përballet me logjikën për të drejtën e tij, kur të tjerët e sulmojnë padrejtësisht.
- Mos kurseni dashurinë, respektin, për prindërit, për gjyshërit, për njerëzit në nevojë, sepse; një ditë edhe ne do të jemi në shtresën e tyre.
16. Për të kuptuar të tjerët, duhet në radhë të parë të kultivojmë durim në veten tonë. (Landa Duka Mol) 15 shkurt, 2026