Përzgjedhësi i Kombëtares së Portugalisë Roberto Martinez ka folur për të ardhmen e Cristiano Ronaldo dhe sa gjatë mund ta vazhdojë ai karrierën.
Është spekuluar këto javët e fundit që Ronaldo mund të tërhiqet nga futbolli pas Kupës së Botës 2026, pasi është i pakënaqur te Al Nassr.
Sidoqoftë, Martinez beson se pesë herë fituesi i Topit të Artë ende ka shumë për të ofruar.
“Ne i kemi të gjitha statistikat. Nëse do ta analizonim një lojtar që është në rënie fizike, ky nuk është rasti. Statistikat e tij fizike janë të një lojtari që mund të vazhdojë e të vazhdojë pa fund”.