Shtetasi kosovar Avni Qenaj, ish-pjesëtar i Ushtrisë Çlirimtare të Kosovës, i cili u arrestua më 26 nëntor 2025 në pikë-kalimin kufitar Merdarë gjatë transitit drejt Bosnjës dhe Hercegovinës, është liruar sot nga autoritetet serbe.
Lajmin për RTKlive e ka konfirmuar avokati i tij, Xhevdet Smakiqi, i cili ka tha se Qenaj është liruarr por edhe nuk ka arritur në Kosovë.
“Avni Qenaj po udhëton drejt Kosovës nën përkujdesjen e familjes, pa asnjë mbështetje nga Qeveria. Ai ende nuk ka arritur në Kosovë dhe nuk është takuar me familjarët e tij”, deklaroi Smakiqi.
Ndryshe, me 4 dhjetor 2025, Ministria e Punëve të Jashtme dhe Diasporës ka njoftuar se autoritetet gjyqësore të Serbisë kanë iniciuar procedurë penale ndaj shtetasit të Republikës së Kosovës, Avni Qenaj, dhe i kanë caktuar masën e paraburgimit prej 30 ditësh, me pretendime për krime lufte të vitit 1999. Ai ishte arrestuar më 26 nëntor nga autoritetet serbe.