Trabzonspori po vazhdon përpjekjet për transferimin e Milot Rashicës nga Beshiktashi, kanë raportuar të enjten mediumet turke.
Klubi nga Trabzoni shpreson ta mbyllë marrëveshjen deri të premten, që është edhe dita e fundit e afatit kalimtar dimëror në Turqi.
Rashica shihet si përforcim i rëndësishëm për repartin ofensiv, prandaj Trabzonspori po tenton ta bindë Beshiktashin për lirimin e tij.
Për shërbimet e sulmuesit kosovar, Trabzonspori i ka ofruar Beshiktashit tri opsione: huazim, blerje me këste ose shkëmbim me ndonjë lojtar tjetër.