“Ishin dy minutat e fundit. Pashë lojtarët e Bayernit në stol duke u bërë gati të festonin titullin, tifozët ishin të lumtur në stadium sepse skuadra e tyre po kurorëzohej kampione e Champions League.
Papritur, Manchester United shënoi dy gola në dy minuta dhe përmbysi rezultatin. Nuk do ta harroj kurrë se si pala angleze shpërtheu me një zhurmë aq të madhe, sikur të ishin luan, ndërsa në tribunat e Bayernit mbizotëronte një heshtje funeralesh. 🫨
Lojtarët e Manchesterit po festonin golin e dytë në mënyrë histerike, kur pashë një lojtar të Bayernit që u rrëzua në tokë plotësisht i pashpresë, duke ndjerë një dëshpërim të madh.
Iu afrova dhe nuk gjeta dot asnjë fjalë tjetër t’i thosha përveç: ‘Çohu dhe lufto, ke edhe njëzet sekonda kohë!!’
Në atë çast, pashë fytyrën e vërtetë të futbollit: vdekjen dhe jetën në një stadium të vetëm, njerëz që festonin çmendurisht dhe njerëz të dëshpëruar deri në vdekje!!”
Referi i famshëm italian, Collina, kur u pyet për momentin më të madh të karrierës së tij
- Advertisment -