Presidenti i Barcelona-s, Joan Laporta, ka konfirmuar se Hansi Flick është njeriu ideal për projektin e klubit katalanas, duke e vlerësuar si një lider të jashtëzakonshëm, jo thjesht një trajner.
Sipas Laportas, gjermani di të menaxhojë çdo detaj të ekipit dhe ka fituar respektin e të gjithë skuadrës.
“Do të qëndrojë këtu deri sa të dojë! Është fenomenal si trajner, por akoma më i madh si njeri,” tha Laporta, duke nënvizuar lidhjen e veçantë që ka Flick me projektin Blaugrana.
Kjo deklaratë e konfirmon se Barcelona ka besim të plotë te gjermani, i cili ka bërë një impakt të menjëhershëm që nga ardhja në stol dhe pritet të udhëheqë klubin drejt suksesit në sezonet e ardhshme./rtk/