Sulmuesi i Kombëtares së Kosovës, Vedat Muriqi, po kalon një sezon të shkëlqyer, duke u renditur në mesin e pesë golashënuesve më të mirë të ligave elitare evropiane.
Me fanellën e Mallorca-s, Muriqi ka realizuar 15 gola, duke lënë pas shumë emra të mëdhenj të futbollit evropian dhe duke u bërë një nga lojtarët më efikas të sezonit.
Lista e golashënuesve kryesorë nga Top 5 ligat evropiane kryesohet nga yje të futbollit botëror:
Kylian Mbappé (Real Madrid) – 22 gola
Harry Kane (Bayern Munich) – 22 gola
Erling Haaland (Manchester City) – 20 gola
Igor Thiago (Brentford) – 16 gola
Vedat Muriqi (Mallorca) – 15 gola
Paraqitjet e Muriqit po vlerësohen gjerësisht, ndërsa golat e tij kanë qenë vendimtarë për objektivat e Mallorca-s në La Liga, duke konfirmuar edhe një herë rolin e tij si lider ofensiv dhe krenari e futbollit kosovar./Rtk.