Kur e rrujsha babën
m’ka ra me ia prek faqet
Si me prekë Spugne D’Acciaio
Ni produkt italian teli, për lamje enësh
Me u heq zhigun…
Hala e ndiej njat butësi p’ej babe
e ashpërsi burri
n’gishtnat e mi.
Sfungjer çeliku ishte baba!
E kur i vnojsha krem nga firma Nivea
E ia lmojsha faqet, ai qeshte
Si me xiglue ni thmi…
Vishej
E me duer drejtonte pjesët e lakueme trupit.
M’vijke me i britë: Gatitu vullnetar!
E thirrke Rrustem Korçën
dhe dilshin n’demonstrata!?
Me lypë liri e demokraci
Që regjimi serbian ja u pat zapue…
Mos me çue posht ni t’rrujtme!?