Trajneri i Barcelonës, Hansi Flick, ka theksuar se objektivi kryesor i skuadrës në Champions League është kualifikimi në tetë vendet e para.
Ai ka folur kështu në prag të ndeshjes së Champions League ndaj Copenhagen.
“Duhet ta respektojmë kundërshtarin dhe të bëjmë punën tonë në mënyrën më të mirë. Nuk do të jetë një ndeshje e lehtë”, është shprehur Flick në konferencë për shtyp.
Ai ka shtuar se skuadra është e fokusuar dhe e bindur në stilin e saj të lojës:
“Kjo është Champions League dhe duhet ta shfaqim potencialin tonë maksimal”, ka thënë tekniku gjerman./Rtk/