Barcelona është shumë pranë finalizimit të katër transferimeve të reja me fokus të qartë te e ardhmja e klubit. Sipas raportimeve të fundit, marrëveshjet ndodhen në fazat përfundimtare dhe pritet të vulosen gjatë kësaj jave.
Bëhet fjalë për Ajay Tavares, anësor 16-vjeçar nga Norwich, Hamza Abdelkarim, sulmues 18-vjeçar i Al Ahly, Juwensley Onstein, mbrojtës 18-vjeçar nga Genk, si dhe Patricio Pacifico, mbrojtës 19-vjeçar i Defensor Sporting. Të katër lojtarët konsiderohen talentë premtuese në pozicionet e tyre, transmeton Klankosova.tv.
Plani i Barcelonës është që afrimet e reja të bëhen pjesë e Barcelonës B, me objektivin për t’i zhvilluar gradualisht dhe për t’i përgatitur për ekipin e parë në të ardhmen. Klubi katalunas vazhdon kështu strategjinë e investimit te lojtarët e rinj, duke forcuar bazat për vitet që vijnë./Klan kosova.tv/