Real Madrid ka shënuar një fitore të madhe në Champions league, duke mposhtur Monaco 6:1 në “Santiago Bernabéu”.
Vinicius Junior dhe Kylian Mbappe kanë qenë protagonistët kryesorë, ndërsa madrilenët kanë arritur një rezultat të jashtëzakonshëm që i ka mbajtur në garë për fazën tjetër.
Monaco tani rrezikon të eliminohet, pasi ndodhet në vend të njëzet e një në grup.
Në këtë ndeshje, Mbappe ka shënuar dy gola, ndërsa Vinicius ka kontribuar me asistime dhe një gol. Golat e tjerë për Real Madrid i kanë shënuar Franco Mastantuono, Thilo Kehrer (autogol), Fede Valverde, Arda Guler dhe Jude Bellingham.
Për Monaco, golin e nderit e ka shënuar Jordan Teze.
E Arsenal ka vazhduar formën e mirë në Evropë, duke fituar 3:1 ndaj Inter. Kjo ka qenë fitorja e shtatë radhazi e Arsenal në Champions League.
Arsenal ka kaluar në epërsi me golin e Gabriel Jesus, por Inter e ka barazuar me një gol të Petar Sučić. Më pas, Jesus ka shënuar sërish për ta rikthyer epërsinë, ndërsa Viktor Gyokeres ka shënuar golin e tretë për “topçinjtë” pas një aksioni të shpejtë.
Me këtë fitore, Arsenal siguroi të paktën vendin e dytë në tabelë.
Në ndeshjen tjetër të mbrëmjes, Paris Saint-Germain është ndalur në Portugali, duke humbur 2:1 ndaj Sporting Lisbon. Sporting ka kaluar në epërsi në minutën e shtatëdhjetë e katërt me golin e Suarez, por PSG ka barazuar pak minuta më vonë me një gol të Kvaratskhelia. Në minutën e fundit Suarez ka shënuar edhe një herë për skuadrën portugeze, duke bërë që të arrithet edhe fitoja ndaj kampionit evropian e botëror./Rtk/