Sulmuesi kosovar, Vedat Muriqi, ka arritur një moment historik me Mallorcan, duke u bërë golashënuesi i dytë më i mirë në historinë e klubit në LaLiga.
Faqja zyrtare e LaLiga ka uruar Muriqin për këtë arritje të jashtëzakonshme.
Megjithatë, rekordi i golashënuesit më të mirë të Mallorcas mbetet në pronësi të Samuel Eto’o, me 54 gola të shënuara për klubin.
Kësisoj Muriqit i duhen edhe shtatë gola për t’u bërë golashënuesi më i mirë në histori të klubit.
Kjo arritje konfirmon formën e shkëlqyer të Muriqit dhe rolin kyç që ai ka në sulmin e skuadrës këtë sezon, duke e vendosur atë në një vend të veçantë në historinë e Mallorcas./Reporteri/