E ardhmja e Mohamed Salah te Liverpool ka qenë nën vëmendje pas raportimeve për interesin e Fenerbahces, për shkak të rolit të reduktuar që sulmuesi ka pasur këtë sezon nën drejtimin e Arne Slot.
Megjithatë, agjenti i 33-vjeçarit, Ramy Abbas, ka hedhur poshtë çdo mundësi për një transferim në Stamboll, duke dhënë qartësi mbi planet e menjëhershme të yllit egjiptian.
“Salah do të qëndrojë te Liverpool ose do të shkojë në Arabinë Saudite,” raportohet të ketë thënë Abbas për përfaqësuesit e klubit turk.
Ky reagim vjen pas kontakteve të drejtpërdrejta mes Fenerbahces dhe agjentit të lojtarit, të cilat nuk sollën asnjë marrëveshje.
Ky zhvillim duket se mbyll spekulimet për një largim drejt Turqisë dhe konfirmon fokusin e Salah te Liverpool ose një destinacion në Arabinë Saudite në të ardhmen e afërt./Gazeta Express/