Pavarësisht moshës 39-vjeçare, Manuel Neuer vazhdon të mbetet në planet afatshkurtra të Bayern Munich.
Klubi bavarez raportohet se është i gatshëm t’i ofrojë portierit legjendar edhe një rinovim kontrate për sezonin e ardhshëm, duke konfirmuar besimin e plotë te performanca dhe përvoja e tij.
Sipas mediave gjermane, Bayern po shqyrton seriozisht mundësinë e shitjes së Alexander Nubel, i cili aktualisht është i huazuar te Stuttgart.
Megjithatë, situata nuk është e lehtë, pasi paga e lartë e portierit 27-vjeçar e vështirëson transferimin e tij të mundshëm.
Neuer u bashkua me Bayern Munich në verën e vitit 2011, pas largimit nga Schalke 04, dhe që nga ajo periudhë ka shkruar histori me fanellën bavareze.
Ai ka mbajtur shiritin e kapitenit dhe ka fituar një numër të madh trofesh, duke u kthyer në njërin prej portierëve më të mirë në botë.
Rinovimi i mundshëm me Neuer shihet si vazhdimësi e stabilitetit në portën e kampionëve gjermanë, ndërsa Bayern duhet të vendosë për të ardhmen e Nubel gjatë merkatos së ardhshme./Rtk/