Bota ime është botë tjetër
pa zënka, pa sherre,
pa luftëra të mëdha
në botën time veç
prej gëzimit mundesh me qa.
Bota ime është një botë ndryshe
botë pa brenga pa vuajtje
është kjo botë e buzëqeshjeve
e hareshme, e çiltër e fëmijëve.
Bota ime është botë ngjyrash
telajo drite, dielli, ylber pasqyrash
është botë e dlirë e pastër
pa maska fytyrash.
Bota ime është zë e tingull
me këngë shpirti e melodi
bota ime mirësinë ka titull
e diell shpirti ka dashurinë.
Bota ime është botë me lule
petalesh të bukura e me aromë
bota ime është botë fëmije
bekuar është prej perëndie.