Dridhja telat çiftelisë
nisja kangës së trimërisë
thuaja kangës, kangs malsore
moj rapsodja veriore!
Dridhja telat çiftelisë
Ti moj cuca e malësisë
Thuaja kangës , bëja fora
të lumt goja, të lumt dora
!
Thuaja kangës, o të kndoft zemra
ta ndigjojnë dhe bjeshkt e nemuna
ta ndigjoj mbarë shqiptaria
kanarinë t’ka lind malësia!
Thuaja kangs e bukura zanë
siç dinë cucat në kto anë
këndo për trimat e ksaj toke
kndo për Shqipen, kët nënë loke!
Thuaja kangs, këndo për kreshpa
për lëndinat në t’bukurat bjeshka
këndoj t’bukurës Shqipëri
thuaja kangs me çifteli!
Thuaja kangs të tundet vendi
t’ndigjoj Korrabi, Shkëlzeni
të ngjoj Lezha e Prizreni
Të ndij Puka e Rrësheni!
Të ndihet n’jug e në veri
në Ilirid, Korçë e Çamëri
në Ulqin, Strug Gostivar
në çdo vend ku ka shqiptar!
Thuaja kangës cuc malësore
këngës t’bukur popullore
“ vjidhja “ tingullin çiftelisë
kanarina e malësisë!