FLAS PA PUSHIM
Flas pa pushim për ndryshimin delikat
midis grave dhe pemëve, për
magjinë e tokës, për një vend,
vulën e të cilit nuk e kam parë kurrë në asnjë pasaportë.
Pyes: Zonja dhe zotërinj,
a është toka e njerëzve për të gjithë njerëzit,
siç pretendoni ju? Ku është atëherë kasollja ime e vogël
dhe ku jam unë? Asambleja duartroket.
Tre minuta shtesë, tre minuta lirie
dhe njohjeje… asambleja ka miratuar
kthimin tonë, ashtu si të gjitha pulat dhe
të gjithë kuajt kthehen në një ëndërr guri.
U shtrëngoj duart, një nga një, përkulem thellë…
dhe vazhdoj udhëtimin tim drejt një vendi tjetër
ku flas për ndryshimin
midis një flluske dhe shiu dhe pyes:
Të dashur zonja dhe zotërinj,
a është toka e njerëzve për të gjithë njerëzit?
Mahmoud Darwish, Palestinë, 1941–2008
nga libri “Less roses” (Më pak trëndafila), POINT Editions & Boekenplan 2009
Piktura nga Biagio Fortini