Ne jemi ngjyra të fshehura,
psalme të shkruar në vijëzime,
piktura që marrin frymë në dritën e kohës,
pika ku jeta prek vdekjen.
Disa shohin vetëm shkëlqimin,
të tjerë zbulojnë hijet që fshihen poshtë tij.
Por ne jemi ylberë të plagosur,
që ecim nëpër honet ku janë gremisur ëndrrat,
dhe ndezim qiellin me ngjyrat që mbartim.
Brenda nesh rreh një univers
që hapet vetëm për ata
që guxojnë të shohin me zemër.