Këngëtarja Artesa Retkoceri, me zërin e saj të ëmbël, po na sjell kohë pas kohe këngë jashtëzakonisht të bukura.
Ajo së fundmi ka sjellë një këngë me të vërtetë brilante, që titullohet “Hajde dashni”, me tekst dhe muzikë nga i madhi Beni Baksi, si dhe e realizuar nga produksioni Eurolindi.
Pas këtij lancimi të këngës së re, këngëtarja Artesa Retkoceri ka shumë plane sa i përket muzikës. Ajo paralajmëron publikun se në vitin që po hyjmë, absolutisht do të jetë “viti im”, pra viti i sukseseve të mia, sepse po punoj pandalë, vetëm e vetëm për të sjellë gjëra të bukura, të këndshme dhe të pëlqyera nga publiku – shprehet këngëtarja Retkoceri.
Përpos muzikës, ajo po ashtu është aktive edhe në aktrim, ku së fundmi është e angazhuar në një serial vendor që quhet “Tradhtia e gruas”, serial ky i bazuar në ngjarje të vërteta.
Përveç këtij seriali, ajo po punon vazhdimisht edhe në projekte të tjera artistike, por nuk preferon të zbulojë ende diçka, pasi dëshiron ta lërë surprizë për publikun dhe fansat e saj.
Artesës i urojmë shëndet, suksese dhe të mos ndalet në punë e projekte, enkas për publikun.
