Babi, ku është nëna,
ku ka shkuar,
a do të kthehet përsëri!?
Babi hesht
s’mund t’i përgjigjet
se është fajtor
është kriminel,
që ka therrur me thikë
gruan,
nënën e fëmijëve,
e cila vdiq nga plagët,
por fëmijët qajnë
dhe kërkojnë atë,
por nënën e kanë mbuluar
me dhe
dhe s’flet dot,
ndoshta mallkon në heshtje?!
Vajza del në dritare
shikon mos po vjen nëna,
por pret kot
se nëna ka vdekur
nga dora e kriminelit,
mjerimi kaplon
zemrën e vajzës,
tash jetime,
pa nënë
pa aromën e saj
e nesër
edhe pa baba,
të cilin e pret burgu.
Ashtu qan e dënesë
deri vonë,
kur me sy të përlotur
e zë gjumi.